[§~|~µð€η~|~547]

Gungunatay Hue Anchal Ki Hawa De Mujh Ko
Ungliyaan phair Ke BAloon Main Sulla De Mujh Ko

Jis Tarah Faaltu Guldaan Paray Rehtay Hain
Apne Ghar Ke Kisi Konay Se Lagga De Mujh Ko

Yaad Kar Ke Mujhe Takleef Hi Hoti Hogii
Aik Kissa Hoon Purana Sa Bhulla De Mujh Ko

Doobtay Doobtay Awaaz Teri Sunn Jaoon
Akhiri Baar Tu Sahil Se Sada De Mujh Ko

Main Tere Hijr Main Chup Chaap Na Marr Jaoon Kahin
Main Hoon Saktay Main Kabhii Aa Ke Rulla De Mujh Ko

Dekh Main Hogaya Badnaam Kitaboon Ki Tarah
Merii Tasheer Na Kar Ab Tu Jalla De Mujh Ko

Rhootna Tera Meri Jaan Liye Jata Hai
Aisay Naraaz Na Ho Hans Ke Dekha De Mujh Ko

Aur Kuch Bhi Nahi Manga Mere Malik Tujh Se
Us Ki Galiyoon Main Parii Khaak Banaa De Mujh Ko

Log Kehtay Hain Ke Yeh Ishq Niggal Jata Hai
Main Bhi Is Ishq Main Aya Hoon,Dua De Mujhe Ko

Yahi Oqaat Hai Meri Tere Jeevan Mein Ke Main
Koi Kamzoor Sa Lamha Hoon, Bhulla De Mujh Ko