[ROSE]

دکھ کی تسکین رسالے تو نہیں کر سکتے
یہ فسانے، یہ مقالے تو نہیں کر سکتے

روشنی چاہیے لیکن اسی اک شوق میں ہم
گھر کو شعلوں کے حوالے تو نہیں کر سکتے

نور کی راہ میں دیوار اٹھانے والے
قید سورج کے اجالے تو نہیں کر سکتے

ریگِ صحرا ہی سنائے گی سفر کی روداد
گفتگو پاؤں کے چھالے تو نہیں کر سکتے

کیسے عاشق ہیں کہ خوش ہیں تیری رسوائی پر
یوں کبھی چاہنے والے تو نہیں کر سکتے

بد گمان ہم سے ہیں کچھ لوگ تو مجبور ہیں ہم
صاف ہر ذہن کے جالے تو نہیں کر سکتے

 

---

Kabhi zindagi me kisik liay mut rona**
q k vo''tumhare ansoun k kabil nahi ho ga''
or ''vo'' jo is ''kabil'' ho ga vo tumhe ''rone'' nahi de ga''*****