["K.G"]

مکاں سے لامکاں تک
زمیں سے آسماں تک

کوئی بے نام جذبہ
کوئی گمنام رستہ

ہمیں لے جائے گا یہ
یہاں سے اب کہاں تک

کوئی ان دیکھی خوشبو
نگاہوں کی زباں تک

کوئی انجانی خواہش
تخیل سے بیاں تک

لبوں کی خامشی سے
اظہار و بیاں تک

تسلسل کی زمیں سے
محرک آسماں تک

یہ ان دیکھے نظارے
ظاہر سے نہاں تک

یہ رازھائے دریدہ
پوشیدہ سےعیاں تک

تجسّس کے سفر سے
طلب کے کارواں تک

یہ اپنے طالبوں کو
نہ لے جائے وہاں تک

مکاں سے لامکاں تک
زمیں سے آسماں تک

 

["K.G"]

جو ہو سکے تو ایک کام کرنا
کوئی سوغات میرے نام کرنا

کسی غزل کا ایک مصرعہ
کسی تحریر کا کوئی ٹکڑا

کسی بھی پہر کا کوئی لمحہ
جو ہو سکے تو مجھے دان کرنا

کوئی سوغات میرے نام کرنا
جو ہو سکے تو ایک کام کرنا

 

["K.G"]

ماں جیسا دنیا میں کوئی نہیں ہے
ماں بچوں کی سائبان ہوتی ہے

ماں بچوں کی نگہباں ہوتی ہے
ماں سے دنیا میں نور ہے

ماں سے دنیا میں اجالا ہے
ماں کے دم سے رونق ہے

اس لئے یہی کہا جاتا ہے
اس کے قدموں تلے جنت ہے

 

["K.G"]

کوئی موضوع کوئی عنوان ہی نہیں ملتا
تخیل کیلئے موزوں سامان ہی نہیں ملتا

جو آشنا ہو کے بھی ناآشنا ہی رہے
میری نظر کو وہ انجان ہی نہیں ملتا

جو واقف حال دل گداز بن کے رہے
دل کو ایسا کوئی مہمان ہی نہیں ملتا

پھولوں سے دلنشیں رنگیں نظاروں سے
گلدستہ سجا لوں مگر گلدان ہی نہیں ملتا

عظمٰی خیال و خواب میں رقصاں حقائق کو
لفظوں میں قید کرلوں پر دیوان ہی نہیں ملتا

 

["K.G"]

کچھ اس طرح سے نچھاور کروں
تجھ پر اے ماں
میں پھول اپنی عقیدت کے
کہ تیرے اس دامن میں
جسے ہر دعا میں تو نے اٹھایا
ہمارے لیے
خوشیوں کے پھول بھر جائیں
کیسے میں بھُلا پاؤں گی
اے ماں
تیری محبتیں
تیری چاہتیں
تیری وہ تکلیفیں، وہ صعوبتیں
جو تو نے اپنی ذات پر ڈھائیں
ہمارے لیے
ہماری خوشی کے لیے
ہمارے دکھوں پہ تیرا رونا
خوشی میں بھی تیری آنکھوں کی نمی
میں کیسے بھلا پاؤں گی
اے ماں
میں تیری وفاؤں کا قرض چکا نہ پاؤں گی
کہ تجھ سے دور ہوں
بہت مجبور ہوں
بس تیرے لیے اتنا ہی کہہ پاؤں گی
تو محبتوں اور قربانیوں کی روشن مثال ہے
تو بے مثال ہے
اے ماں تو بے مثال ہے

 

["K.G"]

میرے جیون کا تو ہے سہارا، میری ماں
دل میرے کا تو ہی ہے سہارا، میری ماں

جیون کے سبھی رنگ و گل تیرے دم سے
رب کی رحمت کا تو ہے نظارا، میری ماں

میری کشتی جب بھی بھنور میں پھنسی
تو بن گئی ہے پھر کنارا، میری ماں

میں جب کبھی بھی گھر گیا مشکلوں میں
تیری دعاؤں نے مجھ کو نکالا، میری ماں

مر کر بھی حق ادا کر نہ سکوں گا تیرا
جن نازوں سے تو نے ہے پالا، میری ما

 

["K.G"]

کھلتا کسی پہ کیوں میرے دل کا معاملہ
شعروں کے انتخاب نے رسوا کیا مجھے

 

["K.G"]

انہی پتھروں پہ چل کے اگر آ سکو تو آؤ
میرے گھر کے راستے میں کوئی کہکشاں نہیں ہے

 

["K.G"]

میں نے تو یونہی راکھ میں پھیری تھیں انگلیاں
دیکھا جو غور سے تیری تصویر بن گئی

 

["K.G"]

نہیں آتی تو یاد ان کی مہینوں تک نہیں آتی
مگر جب یاد آتے ہیں تو اکثر یاد آتے ہیں