["K.G"]

tuune ye phuul jo zulfo.n me.n lagaa rakhaa hai
ik diyaa hai jo a.Ndhero.n me.n jalaa rakhaa hai

jiit le jaaye ko_ii mujhako nasiibo.n vaalaa
zindagii ne mujhe daa o pe lagaa rakhaa hai

[daao=at stake]

jaane kab aaye ko_ii dil me.n jhaa.Nkane vaalaa
is liye mai.n ne Girebaa.N ko khulaa rakhaa hai

imtehaa.N aur merii zabt kaa tum kyaa loge
mai.n ne dha.Dakan ko bhii siine me.n chhupaa rakhaa hai

 

["K.G"]

sadamaa to hai mujhe bhii ki tujhase judaa huu.N mai.n
lekin ye sochataa huu.N ki ab teraa kyaa huu.N mai.n

bikharaa pa.Daa hai tere hii ghar me.n teraa vajuud
bekaar mahafilo.n me.n tujhe Dhuu.NDhataa huu.N mai.n

mai.n Khudakashii ke jurm kaa karataa huu.n aitaraaf
apane badan kii qabr me.n kabase ga.Daa huu.N mai.n

kis-kisakaa naam lauu.N zabaa.N par ki tere saath
har roz ek shaKhs nayaa dekhataa huu.N mai.n

naa jaane kis adaa se liyaa tuune mera naam
duniyaa samajh rahii hai ke sab kuchh teraa huu.N mai.n

le mere tajurbo.n se sabak ae mere raqiib
do chaar saal umr me.n tujhase ba.Daa huu.N mai.n

jaagaa huaa zamiir vo aaiinaa hai "Qateel"
sone se pahale roz jise dekhataa huu.N mai.n

 

[safa]

bahut achey.........

 

["K.G"]

phir daaman-e-ummiid vo phuulo.n se bhar gayaa
jaaduu bharii nigaah se jaaduu-saa kar gayaa

bas dekhate hii dekhate duniyaa badal ga_ii
kuchh sochate hii sochate cheharaa utar gayaa

betaab beqaraar thaa pahale hii dil bahut
phir aap kaa aanaa aur bhii betaab kar gayaa

ik beKhudii kaa naam muhabbat hai dosto
chaahat me.n kis ko hosh hai kyaa kyaa guzar gayaa

kuchh bhii pataa nahii.n hai muhabbat me.n ai dost
kab raat subah ban ga_ii kab din guzar gayaa

 

["K.G"]

apane hoTho.n par sajaanaa chaahataa huu.N
aa tujhe mai.n gunagunaanaa chaahataa huu.N

koii aa.Nsuu tere daaman par giraakar
buu.Nd ko motii banaanaa chaahataa huu.N

thak gayaa mai.n karate-karate yaad tujhako
ab tujhe mai.n yaad aanaa chaahataa huu.N

chhaa rahaa hai saarii bastii me.n a.Ndheraa
raushanii ho ghar jalaanaa chaahataa huu.N

aaKharii hichakii tere zaano.n pe aaye
maut bhi mai.n shaayaraanaa chaahataa huu.N

 

["K.G"]

Duniya Ney Hum pe Jab Koii ilzaam rakh Diya
Hum Ney Muqaabil us K Tera Naam RakH Diya

Ik Khaas had pe aa Gaii Jab Teri BeyRUKHI
NaaM us Kaa Hum ne Gardish-e-Ayyam rakh Diya

Mai'n ladkhara Raha Hu'n Tujhey Daikh Daikh kar
Tu Ney To Meray Samnay Aik Jaam Rakh Diya

Kitna Sitam ZareeF hai Woh wo Saahib-e-Jamal
Us Ne Diya jala K Lab-e-Baam Rakh Diya

Insan, Aur Daikhay baghair us Ko maan ley
Ik Khauf Ka Bashar Ney Khuda naam Rakh Diya

Ab Jis Key Jii Mai'n Aaye Woh He Paye RoShni
Hum Ney To Dil Jala k Sar-e-aam Rakh Diya

Kiya Maslahat-shanas Tha Woh Aadmi 'QATEEL'
MajburiyO'n Ka Jis Ney Wafa Naam Rakh Diya

 

[Hussain]

bht khoob
keep it up
nyc collection

 

---

Hussain Ke Dushman Ki Sab Se Bari Baat Yeh Hai

Ke Woh Hussain Ka Dushman Hai...

["K.G"]

Originally Posted by Hussain

bht khoob
keep it up
nyc collection

Bro Thanks For Your Precious Comment

KeeP Visiting

 

[Hussain]

no prolbm

 

---

Hussain Ke Dushman Ki Sab Se Bari Baat Yeh Hai

Ke Woh Hussain Ka Dushman Hai...

["K.G"]

Raabta laakh sahi qafla-e-Salaar ke sath
Hum ko chalna hai magar waqt ki raftaar ki sath

Gham lage rehte hain har aan khushi ke peeche
Dushmani dhoop ki hai saya-e-deewaar ke sath

Kis tarah apni mohabbat ki main takmeel karon
Gham-e-hasti bhi tu shamil hai gham-e-yaar ke sath

Lafz chunta hon tu mafhoom badal jata hai
Ek na ek khouf bhi hai jurrat-e-izhaar ke sath

Dushmani mujh se kiye ja magar apna ban kar
Jaan le le meri sayyad! Magar pyar ke sath